我用兩個轆返工—你問我答

我日日用兩個轆返工，你問我答。

感謝連登一眾巴絲的討論提供靈感。
連接十八區單車徑
https://lihkg.com/thread/1756592/page/1

• 踩單車返工有咩好處？
  將交通時間變做運動；路線靈活變化，避開塞車；不用等車和做車箱沙丁魚；避免依賴單一交通工具；環保，只排出二氧化碳；省錢......去買單車用品，至少用在自己身上。

• 無位泊車
  我不建議泊街或公共泊位，始香港有好多壞人，無論你靚車平車、有鎖無鎖，都會被偷。最理想當然有私人地方泊車，但其實有些摺車可以放得入辦公室枱底，既然放得入枱底，屋企當然放得到啦。
   
• 我係新界西牛，出一出旺角30km
  如果是跨區返工，的確好難全程踩單車，有一些摺車摺的過程和攜帶也很方便，十分適合結合踩車和乘車的交通方式。
   
• 屋企／公司附近沒有單車徑
  坦白說在較多單車徑的地區用單車代步比較容易，雖然可以在大部分馬路踩單車，但需要一定技術和交通知識，若是交通繁忙或路窄，也是很麻煩的。行人路上踩單車是犯法的，就算行人路沒有人，都千祈千祈千祈唔好係行人路踩。
   
• 單車徑上好多障礙物
  除了斷開的單車路、石級、黃柱等等，還有行人、逆線跑手、狗、水貨客、BB車等等，如果唔好彩，條路多障礙物，一是繞路避開，二是鍛煉技術。
   
• 天氣熱出哂汗
  如果是區內代步，多數是15分鐘內，踩15分鐘車不會出太多汗，如果你是天生大汗，可考慮換衫。
   
• 落雨踩唔到
  地面濕：有泥擋就得
  細雨：著雨褸或防水風褸
  大雨：休息一天吧

• 一架單車好貴
  買架單車俾自己開心過俾錢港鐵。
   
• 踩單車好危險
  唔守交通規則踩單車真係好危險，學識基本規則先好踩，包括假日踩單車。
   
• 路上多塵
  戴面巾可防塵。
   
• 警察專捉單車徑斷開的陰濕位
  認清陰濕位；聽對面車友提醒；留意逆向車友有否落車推；落車推最穩陣；香港需要更好的單車規劃。

• 唔識踩單車
  學啦。6月以來香港人學咗幾多樣嘢？

歡迎繼續「你問我答」！